Það eru fæddir kanínuungar. Reyndar eru þeir nú orðnir þriggja vikna gamlir sem sýnir að maður verður víst seint góður fréttamaður. Allavega, þessar kanínur sem áttu báðar að vera kvenkyns fóru fyrir jólin að haga sér frekar undarlega (miðað við að vera báðar stelpur). Við höfðum nú ekki hugsað okkur að fara að fylla allt af þessum annars skemmtilegu dýrum svo ég pantaði tíma fyrir karlinn í "klippingu". Á meðan hann var í aðgerðinni fæddust semsagt tveir (hefði getað verið verra, þetta eru jú kanínur) ungar. Báðir kolsvartir, þó foreldrarnir séu gulur/hvítur og grá/hvít. Karlinn fór eitthvað að röfla um DNA test og ætlaði að neita að borga meðlagið en kerla hlustaði ekkert á hann. Ungarnir hafa svo fengið nöfnin Ljótur og Ógisslega Ljótur af augljósum ástæðum (svona tímabundið).