Fleiri mikilvægar upplýsingar:

Fiðrildi geta bragðað með fótunum (?!?)

Kvak andar bergmálar ekki og enginn veit hvers vegna (spooky!)

Að meðaltali kafna 100 manns á kúlupennum árlega (jájá, alltaf í boltanum)

Fílar eru einu dýrin sem geta ekki hoppað (hahaha, ímyndaðu þér fíl að hoppa)

Það er mögulegt að leiða kýr upp tröppur en ekki niður (ókey þá)

Það er líkamlega ómögulegt að sleikja olnbogan á sjálfum sér (ó...key)

Augun á okkur eru alltaf jafn stór frá fæðingu, en nefið og eyrun hætta aldrei að vaxa (pælið í því ef það væru augun sem aldrei hættu að vaxa :)

Allir ísbirnir eru örvhentir (meinarðu ekki... örfættir)

Forn-egypskir prestar plokkuðu ÖLL hár af líkamanum, líka augnbrúnirnar og augnhárin (plokka af sér augnhárin... ái!)

Augun í strútum eru stærri en heilinn í þeim (hehehe)

Krókódílar geta ekki rekið tunguna út (athyglisvert)

Sígarettukveikjarinn var fundinn upp á undan eldspýtunum (og eldspýtur voru fundnar upp hvers vegna?)

Ameríkanar borða að meðaltali 18 ekrur af pizzu hvern einasta dag (yikes!)

Næstum allir sem lesa þetta bréf munu reyna að sleikja á sér olnbogan. Þú reyndir að sleikja á þér olnbogan, er það ekki? ;)

Rakst á þessar mikilvægu upplýsingar á netinu:

-Með því að stunda kynlíf brennir þú 360 kaloríum á klukkutíma (World Class hvað...? :)

-Flestir rauðhærðir fæðast í Skotlandi eða 11% af öllum fæðingum (ætti engum að koma á óvart)

-Ekki er ráðlegt að éta tunguna út ísbjörnum, vegna hættu á A vitamín eitrun (sjitt... og þetta segið þið mér NÚNA)

-Það eru að meðaltali 259 rúsínur í kassa af Raisin Bran (aha! ...en hvað eru margar bran flögur?)

-13 manns létu lífið á seinasta ári í USA völdum þess að "nammi sjálfsalar" féllu ofan á það (fyrr má nú vera græðgin)

-Þrjú verðmætustu vörumerki heimsins eru Marlboro, Coca Cola og Budwizer, í þessari röð (hey, við erum bara mannleg og höfum öll okkar veikleika)

-Meðal stærð brjóstahaldara í dag er 36C en var 34B fyrir 10 árum (getur einhver stafað SILICONE)

-NASA í USA eyddi 1 milljón dollara í hönnun á Space Pen svokölluðum sem hægt var að nota í þyngdarleysi, Rússar leystu þetta með því að notast við blýanta (HAHAHAHAHA!)

-Tunga gíraffa er u.þ.b. 22 tommu löng, svört með bleikum doppum (nú get ég hætt að vera andvaka yfir að velta þessu fyrir mér)

-Það er kona sem talar fyrir Bart Simpson (meikar sens þegar þú spáir í það...)

-Það eru 336 dældir í golfkúlu (ókey þá)

-Konur blikka augunum næstum tvisvar sinnum oftar en karlmenn (það er af því að við erum svo mikil krútt ;)

Hingað ruddust inn menn, klæddir gulum geimbúningum og fóru um allt hús með pípandi leitartæki. Við köstuðum okkur í gólfið og hugsuðum; ó, nei... þeir fundu okkur!!
Þetta var dramatíska útgáfan. Viljiði leiðinlegu útgáfuna líka? Ok. Einhverjum snillingnum í götunni datt í hug að hella bensíni niður í niðurfall hjá sér. Afleiðingin var megn bensínstybba sem lagði um öll nágrannahúsin, að okkar meðtöldu. Slökkviliðið mætti á staðinn og gekk hús úr húsi, íklætt gulum hlífðarbúningum með hanska, hjálma og einn með gasgrímu (með tilheyrandi soghljóðum). Sá grímuklæddi gekk um með mæli til að reyna að finna upptökin og ganga úr skugga um að gufurnar sem við vorum að anda að okkur væru undir hættumörkum. Okkur var svo ráðlagt að leita skjóls hjá vinum og vandamönnum ef einhver væri heilsuveill í húsinu, en opna gluggana ella. Þar sem við erum auðvitað öll við hestaheilsu, brugðum við á síðara ráðið og fórum að sofa eftir þessa annars ágætu tilbreytingu við venjulegheit hversdagsleikans.

Jæja, þá er búið að naga utanaf málsháttunum. Þeir voru svohljóðandi:

Erna Sif: Flýtur meðan að ekki sekkur
Selma: Flestallt hefur fyrst verið lítið
Júlía: Fleira er gleði en fébætur einar
Eva: Hverjum þykir sinn fugl fagur
Ég held að Geiri hafi étið sinn...!

Annars minnti málshátturinn minn mig á þegar ég var lítil stelpa og pabbi var eitthvað að segja hvað ég væri sæt... og bætti svo við; hverjum þykir sinn fugl fagur, þó hann sé bæði ljótur og magur...! :D

Þaaaað er komið sumaaaaar, sól í heiði skííííín... haldnénú! Svo eru páskeggar á morgun. Við fengum samtals átta páskaegg frá Íslandi, þrjú heil og fimm í maski. Stelpurnar fá þó hver sitt egg, svo verður hitt bara tekið í nefið :)
Geiri er í útlegð einu sinni enn, fór til Averöy í Noregi (It's not the end of the World, but you can see it from there). Þetta er sumsé eyja rétt fyrir utan Kristianssund og er víst lítið hægt að gera sér til dundurs þegar maður er ekki að vinna... engir pöbbar, engir skemmtistaðir, ekki hægt að fara í pool eða keilu og ekki svo mikið sem einn veitingastaður! (Hverjum datt eiginlega í hug að planta höfuðstöðvum Maritech á þennan stað?!) Svo það er líklega löng vika framundan hjá þeim félögum.
En við stelpurnar hyggjumst njóta páskanna í súkkulaðiáti og fleiru skemmtilegu.
Svo... Gleðilega Páskegga!

SUMAAAAAR! ÉG VIL FÁ SUMAAAAAAAR! Eða allavega smá vor eða eitthvað... er það til of mikils ætlast...? Þessi snjór er orðinn svo gamall og ógeðslegur að það er ekki fyndið. Hann hefur ekki tekið upp síðan byrjaði að snjóa um jólin, bara hlaðist upp og svo sjatnað og frosið og hlaðist meira upp. BJAKK! First day of spring er núna 21. mars og þá er eins gott að það komi VOR annars er ég sko FARIN! 10...9...8...7...6...5...4...3...2...1 *anda inn* *anda út* Ókey, ég er orðin róleg núna... en ég er SAMT orðin hundleið á þessum snjó.
Hvað er svo að frétta? Svosem ekki margt, Erna Sif og Selma eru í March break núna (vetrarfrí) í viku og kvarta ekki yfir því. Það er frekar ég sem kvarta þegar þær vilja hanga inni og horfa á sjónvarpið eða eitthvað. Þá rek ég þær út í snjóinn :D
Geiri er svo að fara á ráðstefnu í London í lok mánaðarins og ætlar að taka nokkra extra daga til að leika við Hanna.
Ég er búin að vera að fylgjast með lífi Vínarfarans reglulega enda gaman að lesa það sem hann skrifar. Allir að kíkja á bloggið hans Nóa frænda!
Segi svo bara bæ í bili. Bæ.

Það eru fæddir kanínuungar. Reyndar eru þeir nú orðnir þriggja vikna gamlir sem sýnir að maður verður víst seint góður fréttamaður. Allavega, þessar kanínur sem áttu báðar að vera kvenkyns fóru fyrir jólin að haga sér frekar undarlega (miðað við að vera báðar stelpur). Við höfðum nú ekki hugsað okkur að fara að fylla allt af þessum annars skemmtilegu dýrum svo ég pantaði tíma fyrir karlinn í "klippingu". Á meðan hann var í aðgerðinni fæddust semsagt tveir (hefði getað verið verra, þetta eru jú kanínur) ungar. Báðir kolsvartir, þó foreldrarnir séu gulur/hvítur og grá/hvít. Karlinn fór eitthvað að röfla um DNA test og ætlaði að neita að borga meðlagið en kerla hlustaði ekkert á hann. Ungarnir hafa svo fengið nöfnin Ljótur og Ógisslega Ljótur af augljósum ástæðum (svona tímabundið).

Váts, það er bara komið nýtt ár. Það var nú svosem kominn tími til... samkvæmt almanakinu allavega. Vitiði hvað ég var að fatta? Í gær var akkúrat hálft ár í "the big 3-0"! Þá skal sko verða fjör :) Annars er maður nú bara sallarólegur yfir þessu og engin tilvistarkreppa farin að gera vart við sig ennþá (eins og hjá sumum sem ég þekki, hehe).
En hvað er nú að frétta síðan síðast... útskriftin 1. des fór vel fram og nú er maður orðinn junior hairstylist. Þá kemur biðin eftir atvinnuleyfinu svo maður geti farið að slá og raka. Við Júlía skruppum til Íslands fyrir jólin og skemmtum okkur og öðrum vel held ég bara. Júlía lærði að meta skyr og vildi helst ekkert annað borða. Og horfði á litlu lirfuna ljótu fimmþúsundogsjö sinnum eða svo.
Svo komu jólin og snjórinn og meiri snjór og svo kom smá meiri snjór og svo kom fullt af snjó og nú er eiginlega bara allt á kafi í snjó! Og á meðan er tíu stiga hiti á Íslandi og trén farin að bruma. Hmph! Til hvers var maður eiginlega að flytja til útlanda?! ...en þá hugsar maður bara um sumarið og sólina því ekkert okkar vildi skipta á hlýjunni í Kanödu fyrir íslensk rigningarsumar. Nej tak.

Jæja, þá erum við komin heim úr ferðalaginu okkar til USA. Komum reyndar á sunnudaginn en höfum ekki orku fyrr en í dag til að skrifa ferðasöguna :)
Við lögðum sem sagt af stað á sunnudeginum 25. ágúst og keyrðum til Bangor, Maine á fyrsta deginum. Við fengum fínt ferðaveður, bjart og þurrt mestan hlutann. Daginn eftir keyrðum við í Six Flags skemmtigarðinn sem er alveg ótrúlega flottur með fjóra eða fimm rússíbana, þar á meðal einn sem er víst sá vinsælasti í heiminum. Erna, Selma og Geiri biðu í næstum einn og hálfan tíma í röð til að komast í hann en það var víst hverrar sekúntu virði. Daginn eftir var svo stefnan tekin á Williamsport, Pennsylvaniu til að heimsækja Vince. Þar eyddum við tveimur nóttum og lögðum svo af stað til New York sem var ekki nema rúmlega þriggja tíma keyrsla. Þar var farið í dýragarð og Frelsisstyttan skoðuð, en hún var reyndar lokuð svo við fengum ekki að fara upp. Og labbitúr á hafnarbakkanum á Manhattan í kvöldsólinni. Á laugardeginum lögðum við af stað til Montréal og var meiningin að gista þar. Þegar þangað kom reyndust öll hótelin fullbókuð og við gátum ekki annað gert en að halda áfram keyrslunni í áttina heim og vonast til að fá gistingu á leiðinni. Eftir að hafa stoppað á fimmþúsundáttahundruðogsextíu hótelum á leiðinni (allavega næstum því) sem öll voru full bókuð, gáfumst við upp. Við skiptumst á að keyra og stelpurnar sváfu afturí, en þær stóðu sig ótrúlega vel greyin. Við náðum loks heim um þrjúleitið á sunnudeginum og voru allir mjög þreyttir. Nú vantaði bara viku í viðbót til að hvíla sig heima :) En þetta var allt þess virði og ferðin í alla staði frábær.

Í dag er kominn 12. júlí sem þýðir hvað...? Jújú, 364 dagar í 30! *gulp* Eiginmaðurinn yfirgaf mig daginn fyrir afmælið og stakk af til Íslands. Hann verður semsagt í viku og ætlar svo að taka Mæju systur sína með til baka til að passa Ernu og Selmu á daginn á meðan við erum að vinna/skólast. Afmælisdagurinn var annars ágætur (engar nýjar hrukkur) stelpurnar í skólanum voru svo sætar við mig, ein bakaði muffin og svo buðu þær mér út í hádegismat. Svo þegar ég kom heim þá voru hinar stelpurnar (mínar) búnar að dúka borð með Spiderman dúk og pappadiskum og servíettum. Svo við borðuðum pæ og ís og rjóma af Spidermandiskum. Og auðvitað fékk ég pakka.
Annars er lítið að frétta nema Selma er komin með gleraugu og þar með er næst síðasta vígið fallið (bara Júlía eftir). Það var svosem viðbúið, enda gleraugnaglámar á báðum endum. En hún er allavega hæstánægð með nýju gleraugun.
Það er spáð sól um helgina svo við förum örugglega á ströndina, og svo verð ég með grill fyrir stelpurnar úr skólanum annað kvöld og ormarnir verða í pössun á meðan. Svo ég segi bara góða helgi á meðan.

Jæja, mér sýnist þetta vera barasta í góðu lagi. Svona er nú tæknin dásamleg (nema þegar hún er að stríða okkur). Annars datt mér í hug að hafa þetta sem svona nokkurs konar dagbók... eða vikubók eða eitthvað. Lítil von til þess að ég nenni að skrifa á hverjum degi, hvað þá að ég hafi eitthvað merkilegt að segja! En kannski ég noti þetta til að skrifa svona hversdagslega hluti sem gaman er að deila með öðrum en verða kannski útundan þegar maður er að tala í símann eða senda tölvupóst.
Eigum við þá að byrja? Ok... dagur eitt, kæri Jóli...
Nú er barasta kominn þriðji júní og ég eiginlega neita að trúa því. Þetta síðasta hálfa ár eða svo hafa mánuðirnir hreinlega flogið áfram svo hratt að það hálfa væri yfirdrifið! Og í hverjum mánuði segir maður; ég TRÚI EKKI að það sé kominn febrúar..mars...apríl...o.s.frv! En það hlýtur að vera gott, ekki satt? Time sure is fun when you're having flies (sagði froskurinn). Allavega, Geiri fór til Atlanta í dag og skildi okkur al-fjórar eftir (nú lítur Kría á mig með vanþóknun því ég taldi hana ekki með). Businessferð að sjálfsögðu, gaman gaman. Við náttúrulega höldum bara okkar striki stelpurnar, allar í skóla/leikskóla og nóg að gera. Annars er nú að koma háttatími hérna, klukkan að verða tíu og farið að vega að átta tíma svefninum. Kannski maður reyni að læra af slæmri reynslu og fara að sofa, þó það sé freistandi að vaka aaaaaðeins lengur. Búin að fá svoleiðis kæruleysi aðeins of oft í hausinn daginn eftir :) Svo ég segi bara góða nótt.

Haldénú! Jæja, skyldi þetta nú virka?

Testing...1,2,3